"الكيان يناديكم" هو محتوى الرسالة التى نادى بها حسام البدرى الألتراس عبر الصحف لحضور نهائى دورى ابطال أفريقيا بين الأهلى والترجى التونسى بعد ان تكرم السيد وزير الداخلية ووافق على إقامة المباراة بحضور الجمهور وأكد على قدرة رجال الداخلية الاشاوس على تأمين الماتش وطبعا خطة التأمين معروفة مسبقا وكل شباب الاولتراس عارفينها كويس الا وهى استضافة الكابوهات فى اقسام الشرطة فى يوم الماتش عشان ماحدش يقرب ناحية الاستاد، ماعلينا دلوقتى من وزير الداخلية ونرجع لحسام البدرى وندائه، بينى وبينكم كنت قلقان قوى لحسن طيبة الشباب تخليهم يصدقوا هذا الآفّاق وهنا لا أقصد حسام البدرى فقط بل كل من يعملون فى مجال كرة القدم فى مصر لا استثنى منهم احدا.
وانا وبكل صراحة عايز استغل هذا الموقف وانفخ فى النار زيادة واحاول اوقع اكتر بين الجمهور والنادى والله مش عشان انا زملكاوى بالعكس الكلام ده ينطبق اكثر على لعيبة الزمالك فإذا كانت لعيبة الاهلى باعت جمهورها واتمسكت بناديها اللى بياكلوا من وراه عيش فلعيبة الزمالك لا يفرق معاها جمهور ولا نادى ولا اى حد فى الدنيا غير قفش القرشنات والسرمحة مع البنات ومعلش القافية حكمت وان كانت مجزرة بورسعيد حصلت ضد جمهور الاهلى الا انها لاقدر الله لو كانت حصلت ضد جمهور الزمالك لتغلب لاعيبة الزمالك على لاعيبة الاهلى فى الندالة وسألوا الجمهور السؤال الشهير "وهما ايه اللى وداهم هناك؟" وبصراحة اكتر لانى باستخسر القوة والاخلاص اللى عليهم شباب الاولتراس يضيعوا كده هباءاً منثوراً فى تشجيع شوية اللعيبة الاندال دول واحسن يوجهه قوتهم وعزيمتهم فى حاجة انفع للبلد ولتكن مثلا الخلاص من طائر النهضة الجارح اللى هيودينا كلنا فى داهية.
بصراحة انا استفزنى العنوان اللى قراته وحسام البدرى بيقول للشباب "الكيان يناديكم" اى كيان يا كابتن حسام؟ عمل ايه الكيان للشباب من وقت وقوع المجزرة لحد دلوقتى وهو بعينه شايف القضية بيتم التلاعب فيها وبيتم تأجيلها اسبوع ورا أسبوع ولسه مااتحكمش فيها واذا اتحكم فيها فمش هتفرق كتير عن القضايا اللى شبهها اللى كل متهامينها خدوا براءة.
عمل ايه الكيان للجمهور وهو معترض على ان اللعيبة تلعب ماتش السوبر او تشارك فى اى بطولة محلية وضربتوا كلكم بمشاعر الشباب عرض الحائط ولعبتوا الماتش ولما ابوتريكة خد موقف فردى بل ريق الشباب انت ولاعيبتك زعلتوا منه ومجلس ادارة ناديك الغير موقر قرر يعاقبه آل ايه انت كده بتحرجنا وكأنه كان لزاماً عليه مشاركتكم الخسة والندالة وقلة الاصل وينزل يشوط رؤوس اللى ماتوا برجله زى ماباقى لاعيبتك عملو!!
ايه يا عم انت بتخرف هما شوية عيال زى دول هيحددوا لنادى بحجم النادى الاهلى يلعب ايه ومايلعبش ايه؟
احب اقول لجنابك ايوة من حقهم يبقوا هما اللى بيقرروا والنادى يمشى وراهم كلمنى كده عن النادى وهو بيلعب ماتش النهائى والاستاد فاضى كلمنى عن الاهلى من غير جمهوره هى اصلا الكورة بتتلعب لمين للاعلانات ولا للجمهور؟
اتحداك لو فى واحد من مجلس ادارة النادى او لاعيبته على استعداد يضحى بحياته عشان النادى زى الشباب دى ما ضحت ومنهم اللى فدا اللاعيبة بروحه وشوفنا كلنا تسجيل لشباب الاولتراس وهما بيعملوا حائط صد من اجسامهم بين اللاعيبة والبلطجية وبيصرخوا فيهم موتونا احنا بس اللاعيبة لأ، وشوفنا ابو احد الشهدا ياعينى من عبطه بيقول لمحمد بركات فداك روحى وكل عيالى وفى النهاية محمد بركات لا يفرق مع حياتك ولا حياة كل عيالك وماعندوش مشكلة يلعب فوق جثثهم كلهم طول ماملايين النادى وإعلانته شغالة ما بتقفش والماتش اتلعب رغم انف الجمهور وانت ولاعيبتك رميتوا نفسكم فى حضن الداخلية اللى سلمتكم للبلطجية فى بورسعيد عشان تحميكم من غضب اولياء نعمتكم اصحاب الفضل عليكم الجمهور اللى حما لاعيبتك فى بورسعيد من مؤامرة الداخلية والبلطجية وفداهم بروحه.
هو كتير يا كابتن على الجمهور اللى طالما سافر وراكم وقطع الآف الاميال عشان يشجعكم واكم من ماتشات فاز بيها الاهلى بفضل هذا الجمهور اللى من وجهة نظرى هو افضل مافى الاهلى كتير عليه ان لاعيبتك تلتزم بالعهد اللى خدوه على نفسهم ويمتنعوا عن اللعب المحلى لحين القصاص للشهداء؟
دلوقتى انت محتاج الجمهور وان شاء الله ماحدش هيعبرك لان انتوا اللى بعتوهم الاول انتوا اللى كسرتوا نفسهم انتوا اللى قضيتوا على هتاف "يوم مابطل اشجع هكون ميت اكيد"
وانا وبكل صراحة عايز استغل هذا الموقف وانفخ فى النار زيادة واحاول اوقع اكتر بين الجمهور والنادى والله مش عشان انا زملكاوى بالعكس الكلام ده ينطبق اكثر على لعيبة الزمالك فإذا كانت لعيبة الاهلى باعت جمهورها واتمسكت بناديها اللى بياكلوا من وراه عيش فلعيبة الزمالك لا يفرق معاها جمهور ولا نادى ولا اى حد فى الدنيا غير قفش القرشنات والسرمحة مع البنات ومعلش القافية حكمت وان كانت مجزرة بورسعيد حصلت ضد جمهور الاهلى الا انها لاقدر الله لو كانت حصلت ضد جمهور الزمالك لتغلب لاعيبة الزمالك على لاعيبة الاهلى فى الندالة وسألوا الجمهور السؤال الشهير "وهما ايه اللى وداهم هناك؟" وبصراحة اكتر لانى باستخسر القوة والاخلاص اللى عليهم شباب الاولتراس يضيعوا كده هباءاً منثوراً فى تشجيع شوية اللعيبة الاندال دول واحسن يوجهه قوتهم وعزيمتهم فى حاجة انفع للبلد ولتكن مثلا الخلاص من طائر النهضة الجارح اللى هيودينا كلنا فى داهية.
بصراحة انا استفزنى العنوان اللى قراته وحسام البدرى بيقول للشباب "الكيان يناديكم" اى كيان يا كابتن حسام؟ عمل ايه الكيان للشباب من وقت وقوع المجزرة لحد دلوقتى وهو بعينه شايف القضية بيتم التلاعب فيها وبيتم تأجيلها اسبوع ورا أسبوع ولسه مااتحكمش فيها واذا اتحكم فيها فمش هتفرق كتير عن القضايا اللى شبهها اللى كل متهامينها خدوا براءة.
عمل ايه الكيان للجمهور وهو معترض على ان اللعيبة تلعب ماتش السوبر او تشارك فى اى بطولة محلية وضربتوا كلكم بمشاعر الشباب عرض الحائط ولعبتوا الماتش ولما ابوتريكة خد موقف فردى بل ريق الشباب انت ولاعيبتك زعلتوا منه ومجلس ادارة ناديك الغير موقر قرر يعاقبه آل ايه انت كده بتحرجنا وكأنه كان لزاماً عليه مشاركتكم الخسة والندالة وقلة الاصل وينزل يشوط رؤوس اللى ماتوا برجله زى ماباقى لاعيبتك عملو!!
ايه يا عم انت بتخرف هما شوية عيال زى دول هيحددوا لنادى بحجم النادى الاهلى يلعب ايه ومايلعبش ايه؟
احب اقول لجنابك ايوة من حقهم يبقوا هما اللى بيقرروا والنادى يمشى وراهم كلمنى كده عن النادى وهو بيلعب ماتش النهائى والاستاد فاضى كلمنى عن الاهلى من غير جمهوره هى اصلا الكورة بتتلعب لمين للاعلانات ولا للجمهور؟
اتحداك لو فى واحد من مجلس ادارة النادى او لاعيبته على استعداد يضحى بحياته عشان النادى زى الشباب دى ما ضحت ومنهم اللى فدا اللاعيبة بروحه وشوفنا كلنا تسجيل لشباب الاولتراس وهما بيعملوا حائط صد من اجسامهم بين اللاعيبة والبلطجية وبيصرخوا فيهم موتونا احنا بس اللاعيبة لأ، وشوفنا ابو احد الشهدا ياعينى من عبطه بيقول لمحمد بركات فداك روحى وكل عيالى وفى النهاية محمد بركات لا يفرق مع حياتك ولا حياة كل عيالك وماعندوش مشكلة يلعب فوق جثثهم كلهم طول ماملايين النادى وإعلانته شغالة ما بتقفش والماتش اتلعب رغم انف الجمهور وانت ولاعيبتك رميتوا نفسكم فى حضن الداخلية اللى سلمتكم للبلطجية فى بورسعيد عشان تحميكم من غضب اولياء نعمتكم اصحاب الفضل عليكم الجمهور اللى حما لاعيبتك فى بورسعيد من مؤامرة الداخلية والبلطجية وفداهم بروحه.
هو كتير يا كابتن على الجمهور اللى طالما سافر وراكم وقطع الآف الاميال عشان يشجعكم واكم من ماتشات فاز بيها الاهلى بفضل هذا الجمهور اللى من وجهة نظرى هو افضل مافى الاهلى كتير عليه ان لاعيبتك تلتزم بالعهد اللى خدوه على نفسهم ويمتنعوا عن اللعب المحلى لحين القصاص للشهداء؟
دلوقتى انت محتاج الجمهور وان شاء الله ماحدش هيعبرك لان انتوا اللى بعتوهم الاول انتوا اللى كسرتوا نفسهم انتوا اللى قضيتوا على هتاف "يوم مابطل اشجع هكون ميت اكيد"
ليست هناك تعليقات:
إرسال تعليق